ادي الي اخدناه من الثوره

نتكلم شويه عن الثوره الي ضاعت منا والناس كفرت بيها وبقوا يقولوا ربنا ياخد الثوره علي الي عملها تعالي نتكلم بعقل ونشوف فوائد الثوره
الثوره رجعت الامل ل الشباب تاني بعد ما كان كلوا فاقد الامل وكل الشباب كانوا بيتمنوا اي فرصه عشان يهجوا من البلد حتي لو هيموتوا وهم بيحاولوا
قبل الثوره كانت منظمات المجتمع المدني شغلها كلو خيري وبيكون شغل علي الضيق ومش كبير بسبب الملحقات الامنيه عشان ميظهرش اد ايه فشل الحكومه وعشان الحزب الوطني يستغل فقر الناس ف الانتخابات
والحمد لله بسبب الثوره خلصنا من الملحاقات الامنيه وفتحت المجال ل جمعيات زي صناع الحياه ورساله وغيرهم يشتغلوا بحريه من غير ما حد يوقفهم او يمنع شغلهم
والشباب كتير انضم ل الجمعيات دي عشان عاوز يخدم البلد ويخدم الناس ويحاول يغير ويخرج الطاقه والابداع الي جواه ف الجمعيات دي
شباب كتير بقي همه البلد ومتابع اخبار وبقي يتكلم ومش بيخاف وبيعبر عن رائيو وبحاول يطور من نفسوا ويستفيد عشان يفيد البلد دي
وشوف اد ايه شباب بقت تعمل افكار مختلفه لخدمه البلد ورسمه فرحه وبسمه علي وشوش الناس وشوف كام شاب بقي يقرا بعد الثوره
الثوره رجعت ل الناس حب البلد دي والدليل ان كلوا بقي يتكلم ف السياسه وكلوا بقي بينشغل ب الاحداث الي بتحصل ف البلد من مظاهرات او انتخابات
ومثلا بيهاجموا المظاهرات عشان حاسيين انها هتضيع البلد او بيشتمو ف الاخوان عشان حاسيين انهم مضيعين البلد فده دليل ان الناس خايفه علي مصر
قبل الثوره كان الناس عارفه ان مبارك عمل مصايب او اي حاجه يقولوا هي بلدنا خليهم يعملوا الي عاوزينوا بس دلوقتي الاحساس اتغير
خليك متفائل واحمد ربنا ع التغير الي عملتوا الثوره احنا ضلينا الطريق شويه بس هنرجع باذن الله ونشوف مصر الي حلمنا بيها ساعه الثوره
وقبل ما تغير ف البلد ابدا غير من نفسك وابقي انسان كويس وهتلاقي بعد كده البلد كلها بتتغير وتبقي كويسه بس الاول ابدا بنفسك انت

الانتماء الي الكيانات

المشكله ف مصر ان الناس بقت تنتمي ل الكيان الي فيه اكتر من انتمائها ل مصر ومستعده تعمل اي حاجه ل الكيان الي فيه حتي لو مضر ل مصلحه مصر
وكل واحد ف كيان بيتعامل معاه ع ان رئيس الكيان ده الهه مش بيغلط وكل قرراتوا صح وغلط ان احنا نعارضوا او نشكك ف قرراتوا ومش من حقنا نفهم
وكل فرد بقي بيتعامل مع الكيان الي فيه ع انو افضل كيان ف مصر ولازم نتعب اكتر عشان يفضل افضل كيان حتي لو الكيان ده مبني ع الكذب والخداع
وبنرفض نسمع ل حد بيهاجم الكيان وبنقول عليه اعداء الكيان واعداء النجاح وبنتهم ب كل الصفات الوحشه ونغرس راسنا ف الرمل عن كل مهاجمه حتي لو صح
وبيوصل بينا الانتماء ل الكيان ان احنا نرفض ان نتعاون مع ناس ف كيانات اخري عشان نحافظ ع اسم كيانا ظاهر وبارز
وبنفضل نعمل تاثير صغير بس يكون الفضل كلوا ل الكيان بتاعنا ولي ان احنا نعمل تأثير كبير بس نكون عده كيانات متحده خوفنا منا علي اسم كيانا
ومستعدين نعمل اي حاجه وبنيع ضمائرنا ونخالف مبادئنا كلوا ف مصلحه الكيان الي بشتغل وبعمل فيه اي حاجه بتتطلب مني فيه
ويوم ما افكر اشغل دامغي واعترض الاقي ناس كتير بتاهجمني وتقولي انت بعت الكيان وعاوز تهدم الكيان وطبعا الاداره بتكون عاوزه تمشي الناس دي
المشكله الاكبر ان بعض الكيانات التطوعيه الافراد الي فيها بقوا كده بقوا بيعملوا اي حاجه بتنطلب منهم من غير تفكير او وعي او فهم ل الاحداث
ومش بيعترضوا علي حاجه ووصلت ان بعض الكيانات التطوعيه بقت بتنافس وبتشتم الكيانات التطوعيه الاخري وكلوا شايف ان كيانوا افضل
وبقوا يرفضوا يتعانوا مع بعض عشان كل واحد عاوز كيانوا يظهر اكتر وياريت الناس تفهم ان كل كيان حلو وشغال حلو بس مينفعش يهاجم التاني
كل واحد بيشتغل ف اتجاه الي شايفوا صح من وجهه نظروا ولازم كلنا نسمع رائي الناس ف الكيان الي بشتغل فيه وافهم هم بيهاجموه وبيعترضوا عليه ليه
ويوم ما اشوف الكيان بتاعي ماشي غلط او بيعمل حاجه ضد مباديء اعترض عليها ولو اصر ع الغلط اسيب الكيان واشوف حاجه تتناسب مع مباديء وافكاري
وحط حاجه ف دماغك ان عمر ما انتمائك ل كيان يكون اكتر من انتمائك ل مصر اتعب عشان كيانك بس يكون التعب ده ف صالح مصر مش ضددها

قصه الجلادين والشعب والمطالبين بالشريعه

الثوره اتعملت بسبب الداخليه وبسبب الي كانو بيعملوه ف الناس والناس نزلت يوم 25 يناير تطالب ب تطهير الداخليه من الفساد واقاله العادليواقتحمنا امن الدوله تاكيد ع المطالبه ب تطهير الداخليه وتحيطم اس الفساد فيه والباقي يجب ان يتم تطهيروا ب القانون وعن طريق الحكام

جالنا المجلس العسكري وف احداث مارس وابريل واحداث محمد محمود الاولي فهمنا ان المجلس العسكري جاي ينتقم مننا ع اقاله مبارك ومش هيطهر الداخليه

والداخليه انتقمت من الثوار ف محمد محمود ومجلس الوزراء بمسانده الجيش اختتمت ب ماتش بورسعيد ف القضاء ع الاولتراس الي كان بيتف ضددهم ف كل حته

وجالنا مجلس الشعب وانتظرنا انهم يعملوا حاجه ف اعاده هيكله الداخليه بس طلعو فاشلين ومعملوش اي حاجه والمجلس العسكري كان ممشيهم

قولنا الحل ف الرئيس المدني المنتخب هو الي هيطهر الداخليه من الفساد ويعيد هيكلتها ويحاسب كل ظلم وكان فاسد ف هذا الجهاز المجرم القاتل

ف انتخابات الرئاسه خسر الي كنا بنتمني يكسبوا ورست ع الاختيار ما بين مرسي وشفيق قولنا شفيق لا عشان كده كده هيستخدم الجهاز المجرم لقتلنا

قولنا نشوف مرسي وناخد وعد ب تطهير الداخليه مرسي قالك ف رقبتي تطهير الداخليه واعاده هيكلتها وحق الشهداء هيرجع قولنا خلاص نختارو

واخترناه لقيناه بداء يخلف وعودا ومجاش عند الداخليه وسابها زي ما هي احنا خوفنا قولنا ننزل نفكروا ب مطالبنا والوعود الي وعدها قبل ما يمسك

لقينا الداخليه بدات تتعامل معانا ب القوه وتقتل وتسحل الثوار وبتقبض ع الناس قبض عشوائي وتعذبهم ف معسكر الجبل الاحمر ومرسي معملش حاجه

ومرسي سايب الداخليه تعمل الي عايزاه ف الثوار وهو مش بيتحرك وساعه احتفاليه الثوره طالع يقول الثوره كان اساسها ظباط وامناء الشرطه

وكل ما ننزل مظاهرات نطالب ب اقاله مرسي نلاقي الداخليه بتتعامل معانا بقوه وعنف اكتر ف احنا فهمنا ان مرسي سايب الداخليه تلعب براحتها

عشان تحميه من الي بيطالبوا بسقوطوا واتخذها كدرع واقي وسبتها تتعامل مع كل معارضينوا واهي بالمره الداخليه تاخد حقها من الثوار

وطبعا السلفين كانو معانا ساعه الثوره ف تطهير الداخليه بس بعد كده مسمعناش صوتهم ف تطهير الداخليه ولي اي حاجه واهتمو بالمناصب

وكل ما كنا بننزل نتظاهر والداخليه تضربنا يقولو علينا بلطجيه وممولين ومخربين وايه الي ودانا هناك عند الداخليه وكانو بيقولوا يستهلوا

ده ف احداث محمد محمود ومجلس الوزراء وكل الحاجات دي لحد ما جالنا مرسي وبدائنا ننزل مظاهرات السلفيين غيروا اتهامتهم ل الثوار المره دي

قالو علينا ملحدين وكفار وضد المشروع الاسلامي وعاوزين نسقط الرئيس المسلم واميرالمؤمين وعملاء ل اسرائيل وامريكا ومسيحين وضد الاسلام وشواذ

ويستاهلوا الي بيحصل فيهم ويارب الداخليه ترمي عليهم قنبله تخلص منهم الكفار دول وبيدعوا مرسي ل الاستخدام قوه اكبر من دي ف القضاء علينا

بس السلفين نسو خالص ان الداخليه عاهره اي نظام



وزي ما استخدمت وساخته علينا لما يختلفوا مع الاخوان هيلاقوا الداخليه بدات تستخدم الوساخه معاهم

واهو الداخليه ابتدت بحركه احرار وب احمد عرفه عشان بدائو يختلفوا مع الاخوان عشان كانت اضعف حركه من كل الحركات الاسلاميه

ودلوقتي اول ما حزب النور والجبهه السلفيه بدات تختلف مع الاخوان بسبب الشريعه المزيفه الي الاخوان بيلعبوا بيها وبسبب دخول الشيعه مصر

راح الاخوان رجعوا ل السلفين الشبح الي بيرعبهم امن الدوله (الي مكنش اتشال اساسا بس بعد عن السلفين شويه) وبدائو يستدعوا شويه سلفين

وطبعا دلوقتي السلفين نازلين عشان خايفين من امن الدوله وخايفين لترجع ايام الحزب الواطي ونازلين يشتمو ف مرسي وف الداخليه

بس اكتر حاجه توجع ان السلفين كان عاجبهم الي بتعملوا الداخليه فينا ومتحركوش ساعه لما كنا بنتعذب وبنتقتل وبنتسحل وبنعتقل ظلم

ودلوقتي عشان بس استدعاء لبعض ليهم نزلوا وخاربين الدنيا وبيحاولوا يخترقوا مقر الامن الوطني وبيشتمو ف مرسي وف الاخوان

نسيتوا يا سلفين ان الدائره بتدور وانهادره عليا وبعتني بكره هتيجي عليك عار عليكم يا حفظه كتاب الله ويا من كنت تنادون بالشريعه

لو كنت وقفت معايا امبارح ضد الظلم الي حصل من كلاب الداخليه ودعمت تطهير الداخليه واعاده هيكلتها مكنش الظلم هيوصل ليك انهارده

كان نفسي يا سلفين تتحركوا عشان الناس الي ماتت واتعذبت بغير وجه حق وعشان تشيلوا ظلم وقع ع مسلم مش عشان مصلحتكم فقط

اخر حاجه المباديء لا تتجزاء وكما تدين تدان وارفض الظلم حتي لو كان علي عدوك